Apne sab yaar kaam kar rahe hain..

June 5, 2016, 8:06 am

≫ Next: Ab kharra soch raha hoon logo..

≪ Previous: Masoom kis qadar tha main..

$

0

0

Apne sab yaar kaam kar rahe hain,
Aur hum hain ke naam kar rahe hain,

Tegh-baazi ka shauq apni jagah,
Aap to qatl-e-aam kar rahe hain,

Daad-o-tehseen ka yeh shor hai kyun,
Hum to khud se kalaam kar rahe hain,

Hum hain masroof-e-intizaam magar,
Jaane kya intizaam kar rahe hain,

Hai woh bechaargi ka haal ke hum,
Har kisi ko salaam kar rahe hain,

Aik qataala chahiye hum ko,
Hum yeh elaan-e-aam kar rahe hain,

Na uthe aah ka dhuaan bhi ke woh,
Ku-e-dil main khiraam kar rahe hain,

Us ke honton pe rakh ke hont apne,
Baat hi hum tamaam kar rahe hain,

Hum ajab hain ke us ke kuchay main,
Be-sabab dhoom-dhaam kar rahe hain..

The post Apne sab yaar kaam kar rahe hain.. appeared first on Ranjish.com.

---

Ab kharra soch raha hoon logo..

June 27, 2016, 10:27 am

≫ Next: Dil tamanna se ddar geya janam..

≪ Previous: Apne sab yaar kaam kar rahe hain..

$

0

0

Ab kharra soch raha hoon logo,
Kyun kiya tum ko ikatha maine..…

The post Ab kharra soch raha hoon logo.. appeared first on Ranjish.com.

Dil tamanna se ddar geya janam..

October 20, 2016, 4:13 am

≫ Next: Yaadon ka hisaab rakh raha hoon..

≪ Previous: Ab kharra soch raha hoon logo..

$

0

0

Dil tamanna se ddar geya jaanam,
Sara nasha utar geya jaanam..…

The post Dil tamanna se ddar geya janam.. appeared first on Ranjish.com.

Yaadon ka hisaab rakh raha hoon..

October 22, 2016, 8:14 am

≫ Next: Jo guzaari na ja saki hum se..

≪ Previous: Dil tamanna se ddar geya janam..

$

0

0

Yaadon ka hisaab rakh raha hoon,
Seenay main azaab rakh raha hoon,

Tum kuch kahe jaao kya kahoon main,
Bas dil main jawaab rakh raha hoon,

Daaman main kiye hain jammaa girdaab,
Jebon main habaab rakh raha hoon,

Aaye ga woh nakhauti so main bhi,
Kamre ko kharab rakh raha hoon,

Tum par main shifaa-e-ha-e-kohna,
Ik taaza kitaab rakh raha hoon..…

The post Yaadon ka hisaab rakh raha hoon.. appeared first on Ranjish.com.

Jo guzaari na ja saki hum se..

October 25, 2016, 1:27 am

≫ Next: Halat-e-haal ke sabab halat-e-haal hi gayi..

≪ Previous: Yaadon ka hisaab rakh raha hoon..

$

0

0

Be-qaraari si be-qaraari hai,
Vasl hai aur firaaq taari hai,

Jo guzaari na ja saki hum se,
Hum ne woh zindagi guzaari hai,

Nagharey kya huye ke logon pr,
Apna saaya bhi ab to bhaari hai,

Bin tumhare kabhi nahin aayi,
Kya meri neend bhi tumhari hai,

Aap main kaise aaaon main tujh bin,
Saans jo chal rahi hai aari hai,

Uss se kahiyo ke dil ki galiyon main,
Raat din teri intezaari hai,

Hijr ho ya visaal ho kuch ho,
Hum hain aur us ki yadgaari hai,

Ik mehak samt-e-dil se aayi thi,
Main yeh samjhaa teri savaari hai,

Haadson ka hisaab hai apna,
Warna har aaan sab ki baari hai,

Khush rahe tu ke zindagi apni,
Umar bhar ki umeed-vaari hai..…

The post Jo guzaari na ja saki hum se.. appeared first on Ranjish.com.

Halat-e-haal ke sabab halat-e-haal hi gayi..

October 28, 2016, 3:59 am

≫ Next: Koi haalat nahin, yeh haalat hai..

≪ Previous: Jo guzaari na ja saki hum se..

$

0

0

Halat-e-haal ke sabab halat-e-haal hi gayi,
Shauq main kuch nahin geya shauq ki zindagi gayi,

Tera firaaq jan-e-jan aish tha kya mere liye,
Yaani tere firaaq main khoob sharab pee gayi,

Tere visaal ke liye apne kamaal ke liye,
Halat-e-haal dil ke thi kharaab aur kharaab ki gayi,

Us ki umeed-e-naaz ka hum se yeh maan tha ke aap,
Umar guzaar dijiye umar guzaar di gayi,

Ek hi haadsa to hai aur woh ke aaj tak,
Baat nahin kahi gayi baat nahin suni gayi,

Baad main tere jan-e-jan dil main raha ajab samaan,
Yaad rahi teri yahan phir teri yaad bhi gayi,

Us ke badan ko numuud hum ne sukhan main aur phir,
Us ke badan ke vaastay aik qabaa bhi see gayi,

Mina-ba-mina maiy-ba-maiy jam-ba-jam jam-ba-jam,
Naf piyaale ki teri yaad ajab sahi gayi,

Kehni hai mujh ko ek baat aap se yaani aap se,
Aap ke shehere-vassl main lazzat-e-hijar bhi gayi,

Sehn-e-khayal -e-yaar main ki na bassar shab-e-firaq,
Jab se woh chaand na geya jab se woh chaandni gayi..

Video: Halat-e-haal ke sabab halat-e-haal hi gayi..

A fabulous ever lasting ghazal by the literature and poetry maestro, Jaun Elia.

The post Halat-e-haal ke sabab halat-e-haal hi gayi.. appeared first on Ranjish.com.

Koi haalat nahin, yeh haalat hai..

October 31, 2016, 1:36 am

≫ Next: Main bhi bohat ajeeb hoon..

≪ Previous: Halat-e-haal ke sabab halat-e-haal hi gayi..

$

0

0

Koi haalat nahin, yeh haalat hai,
Yeh to ashob-naak suurat hai,

Anjumann main yeh meri khamoshi,
Burdbaari nahin hai, wehshat hai,

Tujh se yeh gaah-gaah ka shikwa,
Jab talak hai bassaa ghaneemat hai,

Garam-joshi aur is qadar ke kya baat,
Kya tumhe mujh se kuch shikayet hai,

Ab nikal aao apne andar se,
Ghar main samaan ki zaroorat hai,

Hum ne jaana, to hum ne yeh jaana,
Jo nahin hai woh khoobsurat hai,

Waar karne ko jaanisaar aye,
Yeh to eesaar hai, inayat hai,

Khawhishen dil ka saath chorr gayin,
Yeh aziyat barri aziyat hai,

Log masroof jante hain mujhe,
Yahan mera gham hi meri fursat hai,

Aaj ka din bhi aish se guzraa,
Sar se pair tak salaamat hai..…

The post Koi haalat nahin, yeh haalat hai.. appeared first on Ranjish.com.

Main bhi bohat ajeeb hoon..

November 8, 2016, 5:31 am

≫ Next: Ganwayi kis tamanna main zindagi main ne..

≪ Previous: Koi haalat nahin, yeh haalat hai..

$

0

0

Main bhi bohat ajeeb hoon itna ajeeb hoon ke bass,
Khud ko tabaah kar liya aur malaal bhi naheen..…

The post Main bhi bohat ajeeb hoon.. appeared first on Ranjish.com.

---

Ganwayi kis tamanna main zindagi main ne..

November 12, 2016, 1:25 am

≫ Next: Kitne aish se rehte hon ge kitne itraate hon ge..

≪ Previous: Main bhi bohat ajeeb hoon..

$

0

0

Ganwayi kis tamanna main zindagi main ne,
Woh kaun hai jise dekha nahin kabhi main ne,

Tera khayal to hai pr tera wajood nahin,
Tere liye to yeh mehfil sajaayi main ne,

Tere adam ko gavaara na tha wajood mera,
So apni bekh-kanni main kammi na ki main ne,

Hai meri zaat se mansuub sadd-fasaaana-e-ishqq,
Aur ek satar bhi ab tak nahin likhi main ne,

Khud apne ishvaa-o-andaaz ka shahid hoon main,
Khud apni zaat se barti hai be-rukhi main ne,

Mere hareef meri yakka-taziyon pe nisaar,
Tamaam umar haleefon se jangg ki main ne,

Kharashh-e-naghmaa se seena chhila hua hai mera,
Fughaan ki tark na ki naghma-parvari main ne,

Davaa se fayeda maqsuud tha hi kab ke faqat,
Davaa ke shauq main sehat tabaah ki main ne,

Zabaana-zan tha jigarr-sozz tishnagi ka azaab,
So jauf-e-seena mein unddail li main ne,

Suruur-e-maii pe bhi ghalib raha shaoor mera,
Ki har riyayet-e-ghamm zehn main rakhi main ne,

Gham-e-shaoor koi damm to mujh ko mohlat de,
Tamaam umar jalaya hai apna jee main ne,

Ilaaj yeh hai ke majboor kar diya jaaon,
Wagarna yuun to kisi ki nahin suni main ne,

Raha main shahid-e-tanhaaa nashinn-e-masnadd-e-gham,
Aur apne karb-e-anaa se gharazz rakhi main ne..…

The post Ganwayi kis tamanna main zindagi main ne.. appeared first on Ranjish.com.

Kitne aish se rehte hon ge kitne itraate hon ge..

November 19, 2016, 1:57 am

≫ Next: Seena dehak raha ho to kya chup rahe koi..

≪ Previous: Ganwayi kis tamanna main zindagi main ne..

$

0

0

Kitne aish se rehte hon ge kitne itraate hon ge,
Jaane kese log woh hon ge jo us ko bhaate hon ge,

Shaam huye khush-bash yahan ke mere paas aa jate hain,
Mere bujhne ka nazaara karne aa jate hon ge,

Woh jo na aanay wala hai na us se mujh ko matlab tha,
Aanay walon se kya matlab aatay hain aatay hon ge,

Us ki yaad ki baad-e-sabaa main aur to kya hota hoga,
Yunhi mere baal hain bikhre aur bikhar jaate hon ge,

Yaaro kuch to zikr karo us ki qayamat banhon ka,
Woh jo simat-te hon ge un main woh to mar jaate hon ge,

Mere saans ukharrte hi sab bain karen ge royen ge,
Yaani mere baad bhi yaani saans liye jaate hon ge..

Video: Kitne aish se rehte hon ge..

Another mesmerizing piece of poetry by Jaun elia is presented to you by Ranjish.com

The post Kitne aish se rehte hon ge kitne itraate hon ge.. appeared first on Ranjish.com.

Seena dehak raha ho to kya chup rahe koi..

December 23, 2016, 2:56 am

≫ Next: Koi halat nahin, yeh halat hai..

≪ Previous: Kitne aish se rehte hon ge kitne itraate hon ge..

$

0

0

Seena dehak raha ho to kya chup rahe koi,
Kyun cheekh cheekh kar na gala chheel le koi,

Saabit hua sukoon dil-o-jaan kahin nahin,
Rishton main dhoondta hai to dhoonda kare koi,

Tarkk-e-taluqaat koi masla nahin,
Yeh to woh raasta hai ke bas chal parre koi,

Deewar janta tha jise woh dhool thi,
Ab mujh ko aitmaad ki daawat na de koi,

Main khud yeh chahta hoon ke halaat hon kharaab,
Mere khilaaf zeher ugalta phire koi,

Ae shakhss ab to mujh ko sabhi kuch qabool hai,
Yeh bhi qabool hai ke tujhe cheen le koi,

Haan theek hai main apni anaaa ka mareez hoon,
Aakhir mere mizaaj main kyun dakhal de koi,

Ik shakss kar raha hai abhi tak wafaa ka zikr,
Kaash is zabaan–daraaz ka muu noch le koi..…

The post Seena dehak raha ho to kya chup rahe koi.. appeared first on Ranjish.com.

Koi halat nahin, yeh halat hai..

December 27, 2016, 2:32 am

≫ Next: Be-dili kya yuun hi din guzar jayen ge..

≪ Previous: Seena dehak raha ho to kya chup rahe koi..

$

0

0

Koi halat nahin, yeh halat hai,
Yeh to ashob-naak suurat hai,

Anjumann main yeh meri khamoshi,
Burd-baari nahin hai, wehshat hai,

Tujh se yeh gaah-gaah ka shikwa,
Jab talak hai bassaa ghaneemat hai,

Garm-joshi aur is qadar ke kya baat,
Kya tumhen mujh se kuch shikayet hai,

Tu bhi ae shakss kya kare akhir,
Mujh ko sar phorrne ki aadat hai,

Ab nikal aao apne andar se,
Ghar main samaan ki zaroorat hai,

Hum ne jana to hum ne yeh jana,
Jo nahin hai woh khuubsurat hai,

Khawhishen dil ka sath chorr gayin,
Yeh aziyat bari aziyat hai,

Log masroof jante hain mujhe,
Yaan mera gham hi meri fursat hai,

Aaj ka din bhi aish se guzra,
Sar se paa tak badan salamat hai..

Video: Koi halat nahin, yeh halat hai..

Another brilliant piece of poetry by Jaun Elia is presented to you by Ranjish.com

The post Koi halat nahin, yeh halat hai.. appeared first on Ranjish.com.

Be-dili kya yuun hi din guzar jayen ge..

January 29, 2017, 10:10 pm

≫ Next: Unhe main teri tamanna ka fun sikhata hoon..

≪ Previous: Koi halat nahin, yeh halat hai..

$

0

0

Be-dili kya yuun hi din guzar jayen ge,
Sirf zinda rahe hum to mar jaayen ge,

Raqss hai rang par rang hum-raqsss hain,
Sab bicharr jayen ge sab bikhar jayen ge,

Yeh kharabatiyan-e-khirad-bakhta,
Subh hote hi sab kaam pr jaayen ge,

Kitni dilkash ho tum, kitna dill-ju hoon main,
Kya sitam hai ke hum log mar jaayen ge,

Hai ghaneemat ke asrar-e-hasti se hum,
Bekhabar aaye hain, Bekhabar jaayen ge..

…

The post Be-dili kya yuun hi din guzar jayen ge.. appeared first on Ranjish.com.

Unhe main teri tamanna ka fun sikhata hoon..

February 4, 2017, 10:12 am

≫ Next: Kaise kahen ke tujh ko bhi hum se hai vasta koi..

≪ Previous: Be-dili kya yuun hi din guzar jayen ge..

$

0

0

Unhe main teri tamanna ka fun sikhata hoon,
Jo log teri tamanna se darne lagte hain..…

The post Unhe main teri tamanna ka fun sikhata hoon.. appeared first on Ranjish.com.

Kaise kahen ke tujh ko bhi hum se hai vasta koi..

February 12, 2017, 9:02 am

≫ Next: Saare rishte tabah kar aya..

≪ Previous: Unhe main teri tamanna ka fun sikhata hoon..

$

0

0

Kaise kahen ke tujh ko bhi hum se hai vasta koi,
Tu ne to hum se aaj tak koi gilaa nahin kiya,

Jaane teri nahin ke saath kitne hi jabr they ke they,
Main ne tere lihaz main tera kaha nahin kiya,

Mujh ko yeh hosh hi na tha tu mere bazuon main hai,
Yaani tujhe abhi talak maine rihaa nahin kiya,

Tu bhi kisi ke baab main ehd-shikan ho ghaliban,
Maine bhi aik shakss ka qarz adaa nahin kiya,

Haan woh nigah-e-naz bhi ab nahin majra-talab,
Hum ne bhi ab ke fasl main shor barpa nahin kiya..

…

The post Kaise kahen ke tujh ko bhi hum se hai vasta koi.. appeared first on Ranjish.com.

---

Saare rishte tabah kar aya..

February 12, 2017, 9:23 am

≫ Next: Muddaton baad ghar geya tha main..

≪ Previous: Kaise kahen ke tujh ko bhi hum se hai vasta koi..

$

0

0

Saare rishte tabaah kar aya,
Dill-e-barbaad apne ghar aya,

Akhirash khoon thuukne se mian,
Baat main teri kya assar aya,

Tha khabar main ziyan dill-o-jaan ka,
Har taraf se main bekhabar aya,

Ab yahan hosh main kabhi apne,
Nahin aaon ga main agar aya,

Main raha umar bhar juda khud se,
Yaad main khud ko umar bhar aya,

Woh jo dil naam ka tha ek nafar,
Aaj main us se bhi mukar aya,

Muddaton baad ghar geya tha main,
Jaate hi main wahan se ddar aya..

…

The post Saare rishte tabah kar aya.. appeared first on Ranjish.com.

Muddaton baad ghar geya tha main..

February 12, 2017, 9:26 am

≫ Next: Ae subh main ab kahan raha hoon..

≪ Previous: Saare rishte tabah kar aya..

$

0

0

Muddaton baad ghar geya tha main,
Jaate hi main wahan se ddar aya..…

The post Muddaton baad ghar geya tha main.. appeared first on Ranjish.com.

Ae subh main ab kahan raha hoon..

March 5, 2017, 2:06 am

≫ Next: Humen furqat ka shikwa karne wali..

≪ Previous: Muddaton baad ghar geya tha main..

$

0

0

Ae subh main ab kahan raha hoon,
Khawbon hi main sarf ho chuka hoon,

Sab mere bagher mutmayin hain,
Main sab ke bagher jee raha hoon,

Kya hai jo badal gayi hai duniya,
Main bhi to bohat badal geya hoon,

Go apne hazar naam rakh loon,
Pr apne sivaa main aur kya hoon,

Main jurm ka etiraf kar ke,
Kuch aur hai jo chupaa geya hoon,

Main aur faqat usi ki khawhish,
Akhlaq main jhoot bolta hoon,

Ik shakhs jo mujh se waqt le kar,
Aaj aa na saka to khush hua hoon,

Har shaks se be-niyaz ho ja,
Phir sab se yeh keh ke main khuda hoon,

Charke to tujhe diye hain maine,
Par khoon bhi main hi thookta hoon,

Roya hoon to apne doston main,
Pr tujh se to hans ke hi mila hoon,

Ae shakhs main teri justuju se,
Bezaar nahin hoon thak geya hoon,

Main sham o sehar ka naghma–gar tha,
Ab thak ke karahne laga hoon,

Kal pr hi rakho wafa ki baten,
Main aaj bohat bujha hua hoon..

…

The post Ae subh main ab kahan raha hoon.. appeared first on Ranjish.com.

Humen furqat ka shikwa karne wali..

March 19, 2017, 3:10 pm

≫ Next: Kharch chale ga ab mera kis ke hisaab main bhala..

≪ Previous: Ae subh main ab kahan raha hoon..

$

0

0

Humen furqat ka shikwa karne wali,
Meri mojoodgi main so rahi hai..…

The post Humen furqat ka shikwa karne wali.. appeared first on Ranjish.com.

Kharch chale ga ab mera kis ke hisaab main bhala..

March 30, 2017, 2:29 pm

≫ Next: Jo dekhta hoon wohi bolne ka aadi hoon..

≪ Previous: Humen furqat ka shikwa karne wali..

$

0

0

Kharch chale ga ab mera kis ke hisaab main bhala,
Sab ke liye bohat hoon main apne liye zara nahin..…

The post Kharch chale ga ab mera kis ke hisaab main bhala.. appeared first on Ranjish.com.